Алка Вуица пред дваесетина години беше многу популарна. Имено, нејзините песни „Варалица“ и „Професионалка“ често се вртеа на радиостаниците во целиот регион, но последните неколку години таа ретко се појавува во јавноста.

 

View this post on Instagram

 

A post shared by Alka Vuica (@alka.vuica)

Славната авторка по подолга пауза се враќа на сцената. Со одличната „Луѓакиња“ („Luđakinja“) Вуица го најавува новиот студиски албум, на кој интересно е дека соработува со Марија Мирковиќ, некогашната членка на бендот „Фрајле“, која по заминувањето од составот реши максимално да ѝ се посвети на авторската работа.

 

View this post on Instagram

 

A post shared by Alka Vuica (@alka.vuica)

Токму Марија е дел и од авторскиот тим на темата „Луѓакиња“, односно нејзина е музиката, Алка е текстописец, додека аранжманот е со потписот на Драган Брнас – Фудо. Видеозаписот, пак, го потпишува Жељко Јурешиќ.

 

View this post on Instagram

 

A post shared by Alka Vuica (@alka.vuica)

Алка за песната вели: „Таа е вистинска женска химна. Тоа е песна која ќе остане и долго ќе се слуша. Со Марија како композитор сум соработувала и порано, но ова е нешто сосема поинакво од она што сме го правеле, прилично е кантавторски и лично. Мило ми е што токму оваа тема е одбрана за прв сингл.“

Песната, инаку е објавена на тројниот албум „13 СМС фестивал 2021“, а Алка ќе ја изведе на 12 јуни на водичката рива, што особено ја радува, пишува „Redakcija.hr“.