Алијансата за Албанците: Веднаш и без никакви услови да се ослободи Морина
Алијансата за Албанците денеска преку сооппштение побара ослободување на косовскиот државјанин Томор Морина, кој вчера беше уапсен на граничниот премин Блаце.
„Веднаш без никакви услови да се ослободи борецот за слобода Томор Морина. Владата на РСМ заедно со министерот за внатрешни работи Оливер Спасовски и Агим Нухиу, продолжуваат да работат според директивите на Белград. Алијансата за Албанците изразува длабока огорченост и се чувствува навредена поради фактот што полицијата на РСМ го уапсила борецот за слобода Томор Морина, државјанин на Република Косово“, се вели во соопштението од партијата.
оттаму додаваат дека патот кон НАТО и ЕУ не се трасира со почитување на обвиненијата покренати лично од крвопиецот Слободан Милошевиќ.
„Алијансата за Албанците преку оваа реакција и порачува на владата на РСМ дека соживот и граѓанска благосостојба не може да се постигне со провокации, апсења и монтирани процеси. На овој начин постапуваа вашите претходници и доведоа до конфликт во 2001 година. Не фрлајте масло врз огнот“, велат од АА.