Пред скоро време, Академијата за обвинители и судии го објави списокот на прифатени кандидати за седмата генерација кои, по две години, ќе бидат потенцијални судии и обвинители. Иако оваа институција има мисија за обука, едукација на идните судии и обвинители, во професионална форма, за жал, од списокот на избрани, дел од кандидатите имаат блиски врски со функционерите на ДУИ и СДСМ. , како и друг дел се деца на сегашни судии и обвинители, стои во соопштението на Алијансата на Албанците.

-Како политички субјект, чувствуваме политичка и морална обврска да го осудиме ваквиот процес, кој продолжува да го држи како заложник правосудниот систем и во никој случај не дозволува да се создадат услови за да се реформира овој систем, затоа што самата влада не го дозволува тоа. И покрај нашата заложба да го зголемиме бројот на албански судии и обвинители, како и постојаниот услов Академијата за обвинители и судии да создаде олеснителни околности и да ја смени формата на селекција во оваа институција, за нас е неприфатливо да се изберат деца на политички функционери и на судиите и обвинителите оставајќи ги настрана десетици други кандидати кои можат да бидат поспособни, но немаат семејна врска со власта- стои во сооптшението.

Во принцип, како политички субјект, велат оттаму, ние не сме против вработување деца на политички службеници, и судии или обвинители, затоа што тие исто така имаат право на вработување, но ние секако се спротивставуваме на идејата дека треба да бидат во првите редови на правдата, бидејќи истите не можат да ја спроведуваат правдата.

-Државните судски институции продолжуваат да се политизираат, како што е случајот со Републичкиот судски совет, но и со Обвинителството, судовите, јавните обвинителства се исполнети со судии и обвинители од политичките провинции на ДУИ, ВМРО и СДСМ. Во овој случај, сите извештаи на ЕУ покажуваат дека судовите и обвинителството продолжуваат да се политизираат и дека треба итно да се реформираат и професионализираат. За жал, истиот тој тренд продолжува и во Академијата за судии и обвинители, иако оваа институција е стимулирана да се основа од самата ЕУ како институција која ќе создаде квалификувани судски и обвинителски персонал, деполитизиран и апартиски- стои во соопштението.

Како резултат на партиските судии и обвинители на ДУИ, посочуваат оттаму, денес немаме судски случаи каде високи функционери на ДУИ се обвинети за корупција затоа што и натаму се заштитени од судовите во земјата, и затоа ова е причина зошто блиски на ДУИ немаат место да бидат избрани за судии и обвинители затоа што ќе им служат на нив, а не на правдата.

-Ги повикуваме релевантните институции, вклучително и Антикорупциската комисија, Канцеларијата на ЕУ во Скопје, да го испитаат изборот на кандидати за судии и обвинители на академијата „Павел Шатев” и да видат дали има конфликти на интереси, непотизам и партиско влијание- велат оттаму.