Епилогот од состанокот е дека Јанис Адетокумпо и наредната сезона ќе го предводи Милвоки бакс, а потоа во 2021 година ќе стане слободен играч.

Пред крајот на наредната сезона, челниците на Милвоки уште сега најавија дека ќе му понудат нов супер-макс договор на Јанис Адетокумпо тежок дури 254 милиони долари за пет сезони, но и тоа не е гаранција дека најдобриот играч во НБА лигата ќе остане во тимот.

За да го убедат во проектот на Милвоки, сопствениците на екипата му ветиле дека ќе бидат хиперактивни на трансфер пазарот и ќе му донесат квалитетни соиграчи и за таа цел се подговени да го надминат лимитот за плати и да плаќаат пенали на НБА лигата.

Сопствениците исто така го убедиле кошаркарот дека тој ќе има важна улога во креирањето на ростерот за наредната сезона, но за тоа ќе разговараат кога Јанис ќе се врати од одмор.

Милвоки бакс сезонава ја заврши во полуфиналето на Источната конференција и тоа со пораз од 4:1 во победи од Мајами хит.