Денеска во својот прв настап од првиот „балон“ во Златибор екипата на Пелистер загуби убедливо од Ловќен Цетиње со резултат 108:85.

Скоро едно добро полувреме имаше битолскиот клуб против Црногорците, во одредени моменти од првите две четвртини доаѓаше и до предност.

Позитивата највисоко достигнуваше само до „плус два“ (11:13, 30:32), држеше егал до 43:39 кога водеа ривалите, а потоа како да „застана“ македонскиот претставник.

При негатива од 46:42, противникот направија серија која продолжи и во вториот дел од вкупно 23:2, што се покажа како клучна за крајниот епилог.

Ловќен постепено само ја зголемуваше разликата, пред крајот на третата делница имаше и дури „плус 30“ на семафорот (83:53).

Во редовите на Пелистер доминираше Србинот Малешевиќ со 21 поен, а на спротивната страна Швеѓанецот Клеренс запиша 20 коша.

МЗТ Скопје со успешен старт на првиот „балон“ во АБА2 лигата