1МФЛ: Струга Трим Лум славеше во дербито против Шкупи
Во дербито на 22 коло во Првата македонска фудбалска лига екипата на Струга Трим Лум со 2:1 триумфираше против актуелниот шампион Шкупи. Водеа домаќините со голот на Шабани од пенал во 23 минута, додека предноста беше зголемена во 88 минута со погодок исто така од белата точка, а стрелец беше Ибраими.
Клубот од Чаир до крајот на средбата успеа само да го ублажи својот пораз четврти пораз сезонава преку Алварез (90+7`).
Силекс загуби од Брегалница со 1:2, штипјани стекнаа позитива во 40 минута (Ѓорѓиев), а на стартот од вториот дел за 0:2 се погрижи Калпачки. Кратовци својот единствен гол на натпреварот го постигнаа во финишот (Стојчевски, 90+4`).
ФК Скопје ремизираше 1:1 со Македонија ЃП, „лавовите“ од Ѓорче Петров уште во првата минута водеа по автолот на Најдоски, а домаќините извлече бод пред крајот на мечот (90+4`).
Академија Пандев убедливо со 3:0 го преслуша составот на Победа. За „пандевци“ по еднаш во листата на стрелците се запишаа Ѓоргиевски (3`), Велиновски (70`) и Врдољак (72`).
И во последниот дуел Шкендија со 3:1 славеше над Работнички. За позитива од 2:0 по првото полувреме стрелаа Цаке (10`) и Милев (28`). Мујезиновиќ во 82 минута погоди за 3:0, а конечниот епилог го постави Рушевиќ (90+3`).
Табела: Струга Трим Лум 42 бодови, Шкупи 38, Шкендија 35, Силекс 32, Брегалница Штип 29, Тиквеш 28, Македонија ЃП 25, Работнички 24, Академија Пандев 19, ФК Скопје 14, Победа 13