1МФЛ: Хет-трик на Јашаровски против Вардар, Шкендија го совлада Тиквеш
Се одиграа пет натпревари од третото коло во Првата македонска фудбалска лига, Воска Спорт како домаќин го совлада Вардар со 3:2. Сите голови за Воска Спорт ги реализираше Јашаровски во 27, 32 и 48 минута, а за скопските „црвено-црни“ стрелаа Глишиќ во 83 и Жоглев во 92 минута.
Работнички благодарение на погодокот на Велкоски во 21 минута триумфираше над Македонија ЃП (1:0). Шкупи водеше со погодокот на Пинтер (45+1`) против Силекс, а клубот од Кратово ги постави конечните 1:1 во 77 минута преку Ѓорѓиоски.
Брегалница го надигра Гостивар со 2:1, штипските „сини“ стекнаа предност по 10 минута игра со голот на Венегас од пенал. За 2:0 во 78 минута се погрижи Вебстер, а Гостивар само го ублажи поразот во 90 минута кога стрелаше Селмани.
Шкендија со 2:1 го надигра Тиквеш на гостински терен, тетовските „црвено-црни“ своите погодоци ги постигнаа во 24 и 37 минута преку Чинари и Елези, а Мојсов пред паузата го реализираше единствениот гол за домаќините.
Колото ќе биде комплетирано в понеделник со дуелот меѓу актуелниот шампион Струга Трим Лум и Брера Струмица (17.00 часот).
Табела: Тиквеш 6 бодови, Брера Струмица 6, Шкендија 6, Работнички 6, Брегалница Штип 6, Силекс 4, Шкупи 4, Струга Трим Лум 3, Македонија ЃП 3, Воска Спорт 3, Вардар 0, Гостивар 0.