Жената која го обвини Снуп Дог за сексуален напад ја повлече тужбата
Неименуваната жена која го обвини американскиот рапер Снуп Дог за сексуален напад ги повлече обиненијата, пренесуваат странските медиуми.
Жената, идентификувана во тужбата како Џејн До, пред неколку месеци го обвини американскиот рапер за сексуален напад откако присуствувала на еден од неговите концерти во 2013 година. Како што открила „чувствувала притисок“ од ѕвездата поради неговата доминација и позиција на моќ и затоа не го пријавила случајот тогаш.
Танчерка го тужи Снуп Дог за сексуално злоставување: Ме принуди на орален секс и ме понижи
Претставниците на Снуп Дог рекоа дека наводите се лажни и го поздравија повлекувањето на обвиненијата. Барањето беше повлечено претходно оваа недела, речиси два месеци откако беше поднесено во централниот суд на Калифорнија. Првично тужбата беше поднесена неколку дена пред настапот на Снуп Дог на полувремето на шоуто на Супер Боул.
Неименуваната жена првично тврдеше дека била оставена „испанична и преплашена“ за време на наводниот инцидент, за кој тврдеше дека се случил во тоалетот во ТВ студио. Наводно не ѝ било добро и го користела тоалетот во студиото кога раперот неочекувано влегол по неа, ја затворил вратата, ја фатил за рамо и ја принудил на орален секс.
Со доброволното повлекување на тужбата, исто така, беа отстранети обвиненијата против сите други страни именувани во случајот, вклучително и деловниот соработник на раперот. Мет Финкелберг, адвокатот на Џејн До, сè уште јавно не го коментирал овој расплет.