Зеленски бара повеќе системи за противвоздушна одбрана од сојузниците
Украинскиот претседател Володимир Зеленски на самитот во Киев за безбедност на храната наречен „Зрно од Украина“ изјави дека на неговата земја и требаат повеќе системи за противвоздушна одбрана за да ги заштити своите патишта за извоз на жито, како и регионите што граничат со Русија.
„Има недостиг на воздушна одбрана – не е тајна“, рече Зеленски на самитот во саботата, на кој присуствуваа високи претставници на европските земји, вклучително и швајцарскиот претседател Ален Берсет и литванската премиерка Ингрид Шимонита.
Зеленски истакна дека странските партнери ќе опремуваат бродови што ќе ги придружуваат конвоите на товарни бродови од украинските пристаништа со цел да се гарантира нивната безбедност.
– Имам договори со неколку земји за моќно придружување на конвои со употреба на странска опрема – рече Зеленски.
Исто така, претседателката на Европската комисија Урсула фон дер Лајен вети поддршка во писмо до Зеленски, кое го сподели на социјалните мрежи, во кое се наведува дека Комисијата ќе стави на располагање 50 милиони евра за „итни поправки и надградба на инфраструктурата во украинските пристаништа“.
Украина извезува жито преку привремени коридори низ Црното Море, откако Русија се повлече од договорот во јули. што со посредство на ОН овозможи безбедно извоз на жито преку украинските црноморски пристаништа.