Канцеларијата на Кошаркарската Федерација на Северна Македонија ги информира сите клубови, согласно членовите од Регистрацискиот Правилник на КФСМ, за преодниот рок за кошаркари и кошаркарки во сениорските и младинските лиги од натпреварувачката сезона 2020/2021.

Рокот за пријавување екипа во сениорските категории е најдоцна до 1 септември 2020 година.

Потоа, преодниот рок за кошаркари/ки во сениорските лиги за следната сезона започнува од денеска (1 јули) и завршува 24 часа пред почеток на вториот дел од сезоната во соодветното сениорско натпреварување.

ДОГОВОРИТЕ КОИ СЕ ПОДНЕСУВААТ ВО КФСМ МОРА ДА БИДАТ ЗАВЕРЕНИ НА НОТАР:

1. Кошаркарите/ките родени 2002 и постари, потпишуваат прв сениорски Договор;

2. Кошаркарите/ките родени од 2003 до 2006 потпишуваат Договор за спортско усовршување;

3. Кошаркарите/ките родени 2007 и помлади, потпишуваат Договор за тренинг и настап;

4. Кошаркарите/ките родени 2000 и помлади можат да добијат двојна лиценца, согласно член 36 од Регистрацискиот правилник на КФСМ. Еден клуб може да има во
листа најмногу 6 играчи на двојна лиценца;

Сите клубови најдоцна до 01 септември 2020 година, мора да ги подмират своите долгувања спрема КФСМ, за да можат да пријават учество на екипа и регистрација на играчи во натпреварувачката сезона 2020/21;