Заев на средба со Инстаграм кралот на марихуаната – Дали Македонија ќе стане канабис суперсила во Европа?
Инстаграм кралот на марихуаната и еден од најголемите производители на канабис во светот, Биг Мајк, бил на официјална посета кај премиерот Зоран Заев во Владата на Македонија, пренесува Алфа. Тој на Инстаграм се пофали за посетата и напиша дека Македонија ќе се претвори во една од најголемите канабис суперсили во светот.
– Само што остварив средба со премиерот на Македонија, Зоран Заев, разговаравме многу за канабисот. Да ви кажам, оваа земја има огромен потенција и јас сум возбуден да бидам дел од претворањето на Македонија во една од првите канабис суперсили во Европа, напиша Биг Мајк на Инстаграм.
Вистинското име на Биг Мајк е Мајкл Страумитис, роден во 1960 година во Портланд и од млади години започнал да се занимава со канабисот. Тој преку својата компанија за легално производство на марихуана, „Advanced Nutrients“ досега направи милиони долари. На својот Инстаграм профил кој го следат 2.8 следбеници, ја промовира марихуаната и нејзините придобивки, користејќи различни маркетиншки трикови, како славни лица и убави девојки за таа цел.
Биг Мајк чија сопруга е Бугарката Цеци Красимирова, како што може да се зебележи својот бизнис сака да го прошири и на меѓународно ниво, а една од дестинациите очигледно му е токму Македонија.
Владата засега не информираше за средбата помеѓу Заев и Биг Мајк.
