И натаму македонскиот репрезентативен напаѓач Илија Несторовски летово е во потрага по нов клуб, по разделбата со Удинезе.

Во текот на изминатиот се шпекулираше можна преселба во Тернана, но потоа следуваше пресврт наводно дека сепак Козенца е во „пол-позиција“ за потписот на нашиот играч. И Козенца и Тернана настапуваат сезонава во италијанската Серија Б.

Како што пренесува новинарот Џанлука Ди Марцио, интерес за 33-годишниот Несторовски има и од Бразил.

Поранешниот фудбалер на Палермо би можел да ја продолжи кариерата во редовите на Сантос, осукратен шампион на Бразил.

Информациите велат дека и Асколи го посакува македонскиот напаѓач, уште еден клуб од Серија Б.

Во последните четири години како играч на Удинезе, во Серија А Несторовски постигна осум голови во 78 настапи.

MERCADO DA BOLA!
Segundo o renomado jornalista @gianlucadimarzio o Santos tem interesse na contratação do jogador Ilija Nestorovski, atacante, 33 anos, nascido na Macedônia do Norte, ex Udinese. pic.twitter.com/mtvGqyTeq9

— Marlon Noronha (@MarlonNoronha9) August 24, 2023