Вучиќ беше на гости кај американскиот амбасадор: Посветени сме на мирот и на партнерството со САД
Претседателот Александар Вучиќ вечерва присуствуваше на прием во резиденцијата на американскиот амбасадор во Србија, Кристофер Хил, по повод американскиот национален празник Денот на независноста, 4 јули.
„Ѝ го честитав на Амбасадата на САД Денот на независноста и укажав на тоа дека ова е вистинскиот повод сите да се потсетиме на универзалните вредности вткаени во Декларацијата за независност, кои се однесуваат на еднаквоста на сите луѓе и нивните неотуѓиви права на живот и слобода“, напиша Вучиќ на „Инстаграм“.
„Србија останува посветена на мирот, како и на зајакнувањето на партнерството со САД, убедена дека нашиот стар, историски сојуз ќе добие нов замав во годините што доаѓаат“, вели Вучиќ во објавата.