Вучиќ: Србија направи сè што се бараше, но зелено светло за ЕУ нема и ќе нема

Фото: Jure Makovec / AFP / Profimedia

Претседателот на Србија Александар Вучиќ денеска рече дека Србија направила сè што од неа побарала Европската Унија, но зелено светло за Западниот Балкан нема и ќе нема.

Прашан за коментар за тоа што за Србија нема отварања на нови поглавја во преговорите за членство со ЕУ, како ниту почеток на преговорите со останатите земји од регионот на Западен Балкан, тој одговори дека премиерката Ана Брнабиќ е многу загрижена затоа што во последните месеци во министерствата се работело деноноќно за да бидат подготвени за преговарачките кластери.

Вучиќ истакна дека направиле сè и го наведе раздвојувањето на „Србијагас“, акцизите…, ни и покрај тоа од ЕУ нема ништо.

Мојата порака е да продолжите да работите, тоа го работиме за себе. Ние сме на европскиот пат. Ако сакаат, сакаат, ако не скааат – не сакаат, им благодарам. Ќе се видиме на крајот од годината кога ќе ги видиме нашите стапки на раст и стапките на раст на останатите – рече Вучиќ за ТВ Пинк.

Видео на денот