Воз удри автомобил на преминот кај поранешна велешка Свилара
Екипа на СВР Велес сè уште е на местото на несреќата.
Железничка несреќа се случи изутрината нешто пред 9,30 часот на преминот кај поранешна велешка Свилара на патот кон селото Горно Оризари, во која воз удрил автомобил „пасат” во неговиот заден дел. Возачот кој бил сам во звтомобилот за малку се спасил и останал неповреден, потврдуваат од СВР Велес.
Како што информира за МИА д-р Страхил Тодоров портпарол на ЈЗУ Здравстевн дом чија екипа на Итна помош по повикот веднаш пристигнала на местото на настанот, тие утврдиле дека возачот нема телесни повреди туку само акутна реакција на стрес од настанот.
– Нашата екипа констатира дека на возачот не му е потребна дополнителна медицинска интервенција, појасни др Тодоров.
Екипа на СВР Велес сè уште е на местото на несреќата.
Инаку, на овој железнички премин како што информираат од Железничката станица во Велес има поставено патна сигнализација, знаци стоп и андреев крст – што значи дека патот го пресекува железнички премин на пруга, а возачот треба да ја намали брзината и до погледне лево десно дали има воз, па потоа да преминува преку пругата.
Тие велат дека имаат најави дека наскоро со осовременување на пругата, и на овој премин треба да биде поставена и дополнителна современа звучна и светлосна сигнализација.за поголема безбедност на возачите.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот