Вонредна седница во бугарското собрание поради полициското насилство на протестите против Борисов

Бугарија протести / Фото: EPA-EFE/VASSIL DONEV

Претседателката на бугарскиот парламент, Ива Митева, свика вонредна седница во вторник на Националното собрание на која ќе се расправа за полицискиот скандал со насилство врз демонстрантите и за да објасни преземени чекоти за тоа бугарскиот министер за внатрешни работи, Бојко Рашков.

Во изјавата објавена на веб -страницата на бугарскиот парламент, како што јави дописникот на МИА од Софија, Ива Митева наведува дека со огорченост, болка и вознемиреност ги гледала видео снимките од насилството врз младите демонстранти летото 2020 година.

Според Митева, бугарскиот Парламент не може да се држи настрана од она што е прикажано на видеата.

На седницата пратениците ќе го слушнат министерот за внатрешни работи на Бугарија Бојко Рашков за тоа што е направено за да се идентификуваат сторителите полицаец и какви се казните. Темата, како што забележува дописникот на МИА од Софија, стана централна не само за медиумите, туку и за парламентарните партии во Народното собрание на Бугарија. Сите освен ГЕРБ и ДПС побараа објективна истрага и казна за полицајците кои претепаа мирни демонстранти за време на минатогодишните протести против владеењето на поранешниот бугарски премиер Бојко Борисов.

Видео на денот