Фудбалерите на Војводина го освоија Купот на Србија откако вечерва во финалето во Ниш на стадионот „Чаир“ го совладаа Партизан во пенал серијата.

Во регуларниот дел беше 2:2, Војводина на тој начин успеа да ги запре „црно-белите“ во обидот петти пат по ред да триумфираат во ова натпреварување.

За водство на играчите на тренерот Ненад Лалатовиќ кому ова е прва титула во тренерската кариера, се погрижи Вукадиновиќ во 38 минута од средбата.

Зголеми Бојиќ во 55 минута, а белградскиот клуб израмнија преку Стевановиќ и Павловиќ кој израмни со „ножички“ во 96 минута. За составот од Нови Сад ова е втор куп трофеј, првиот го освои во 2014 година кога беше подобар од Јагодина.

Се играа продолженија каде што немаше погодоци, а после ударите од белата точка славеше Војводина со 4:2.

Топовски удар од навивачите на Партизан, има повредено лице! (ВИДЕО)