Во Ламанш спасени од давење 42 мигранти кои се обиделе да стигнат до Британија
Четириесет и двајца мигранти кои се обиделе да го преминат Ламанш и да стигнат до брегот на Англиа се спасени денеска, јавија француските власти.
Мигрантите во очај во преминот Па де Кале контактирале со регионалниот операционален центар за надзор и спасување, соопшти поморската префектура на Ламанш и Северното море.
Спасувачите собрале 42 брдоломци и ги вратиле во пристаништето Булоњ сир Мер, каде ги презеле пожарникарите и граничната полиција. Сите се живи и здрави.
Од крајот на 2018 година зголемен е бројот на илегални преминувања на мигранти кои се обидуваат да стигнат до Велика Британија, и покрај повторените предупредувања од власта за опасноста, густиот сообраќај, силните струи и ниската температура на водата.
Во 2020 година забележани се 9.500 такви преминувања или обиди за преминување, што е четири пати повеќе отколку во 2019 година, според податоците на поморската префектура.
Шест лица ги загубија животите, а тројца се исчезнати, додека во 2019 година починале четири лица.