Голманот на Барселона и на германската репрезентација, Марк-Андре тер Штеген, состави идеален тим од фудбалери со кои настапувал и кои му оставиле најголем впечаток, а меѓу нив не е Лионел Меси!

Тер Штеген кој во досегашната кариера има настапувано за два тима, Борусија Менхенгладбах и Барселона, а брани и за германската репрезентација, се одлучи за формација 4-4-2.

Изненадувачки во тимот нема место за Лионел Меси кој е рекордер со освоени седум Златни топки и со кого Тер Штеген играше дури седум години заедно во Барселона и освоија четири титули во Ла Лига, пет трофеи во Кралскиот куп и по еден пехар во шпанскиот Суперкуп, Лигата на шампионите, УЕФА Суперкупот и ФИФА Светското клупско првенство.

Исто така, во тимот на голманот немаше место и уште двајца елитни напаѓачи од Барселона, Луис Суарез и Нејмар.

Марк-Андре тер Штеген од 2014 година го брани голот на Барселона, а за германската репрезентација досега одигра 27 натпревари.

ИДЕАЛЕН ТИМ НА ТЕР ШТЕГЕН
Голман: Јанис Бласвих.
Одбрана: Жорди Алба, Жерар Пике, Антонио Ридигер, Дани Алвеш.
Среден ред: Серхио Бускетс, Чави Ернандез, Андрес Иниеста, Френки де Јонг
Напад: Марко Ројс, Марио Геце.