Во Европа од Ковид-19 досега умреле 1,5 милиона лица

epaselect epa09523544 Health workers escort a Covid-19 patient to the hospital complex in the Kommunarka settlement in Moscow, Russia, 14 October 2021. Russia is facing a new wave of Covid-19 infections, with additional 986 coronavirus-related deaths reported on 14 October bringing the official coronavirus death toll to 220,315. EPA-EFE/MAXIM SHIPENKOV

Од почетокот на пандемијата во Европа умреле над 1,5 милиона лица, а неколку земји повторно воведуваат ограничувања за да ја потиснат рекордната стапка на заразени, пренесуваат денеска француските медиуми.

Според официјални податоци, откако првиот смртен случај на Стариот континент беше регистриран во февруари 2020 година досега во Европа од Ковид-19 умреле 1.500.105 лица, регион што опфаќа 52 земји и територии од брегот на Атлантикот до Азербејџан и Русија.

. EPA-EFE/ROBERT GHEMENT

Во европската зона од средината на јули има раст на бројот на нови смртни случаи, со што Европа стана новиот епицентар на пандемијата и во последните седум дена има просечно по 4.210 фатални исходи дневно, што е зголемување за еден процент од претходната недела и пет проценти од неделата пред неа.

Оваа бројка достигнува слично ниво како во есента 2020 година, кога Европа влезе во вториот бран на пандемијата, во кој најтешката недела по бројот на починати беше во периодот од 14 до 20 јануари 2021 година, а кога антивирусните вакцини сè уште не беа почнати да се даваат.

Меѓутоа, има значителни разлики кога се споредуваат двата брана во однос на брзината на ширење на инфекцијата.

EPA-EFE/MAXIM SHIPENKOV

Со околу 29.500 смртни случаи меѓу 18 и 24 ноември, бројот на нови смртни случаи на континентот се зголеми за четири пати од средината на јули, или во последните 20 недели. Минатата година, пак, беа потребни пет недели за бројот на неделни смртни случаи да се зголеми од 7.000 на 30.000.

Русија во моментов е најтешко погодената земја во Европа, со речиси 30 проценти од новите смртни случаи на континентот, со просечни 1.246 смртни случаи на ден.

Од почетокот на октомври, исто така, е зголемен и бројот на новозаразени. Бројот на нови инфекции во Европа никогаш досега не бил толку висок, бидејќи во перидот од 18 до 24 ноември има регистрирано 369.915 случаи на зарази дневно, што е за 14 проценти повеќе од претходната недела.

 EPA-EFE/MOHAMMED SABER

СЗО на почетокот на ноември повика на засилена борба против пандемијата со позасилено вакцинирање на населението, максимално користење на маската и спроведување на мерките за социјално дистанцирање. СЗО стравува дека до пролет ќе има дополнителни 700.000 смртни случаи од корона вирусот на европскиот континент.

Видео на денот