Влаховиќ наместо Мбапе: Прво да освојам трофеј со Јувентус
Српскиот фудбалер Душан Влаховиќ за француските медиуми зборуваше за гласините дека ПСЖ во него гледа замена за Килијан Мбапе.
Извесно е дека најдобриот играч на парижаните на лето ќе го напушти клубот и дека ќе го засили Реал Мадрид, но не се знае како шампионот на Франција која ќе биде замената за францускиот репрезентативец
Во Париз, наводно, и играчот на Јувентус Влаховиќ го гледаат како една од алтернативите да го замени Мбапе.
– Ги слушнав и прочитав тие гласини за трансфер, но не знам ништо за тоа. Не ме интересираат. Сè што размислувам е како да се подготвам за следната сезона што е можно подобро. Имам уште две години од договорот со Јувентус и среќен сум овде – рече Влаховиќ.
Пред да замине од Јувентус, вели тој, би сакал да освои трофеј со „Старата дама“:
– Сакам да освојам нешто важно со Јувентус, а потоа ќе видиме, ќе разговараме за тоа. Мбапе е најдобриот играч во светот во моментов. На 25-годишна возраст освои речиси се, постигна 40 гола за националниот тим, тоа е многу голема работа – се зборовите на Влаховиќ.