Визуелно единство на изложбата „Фотоесеј“ во „Мала станица“
Фотоклубот „Елема“ од Скопје во просторот на „Мала станица“ при Националната галерија, од 16 до 21 ноември, ја организира втората биенална изложба на фотографии со наслов „Фотоесеј“.
На изложбата се претставуваат 14 еминентни автори од земјава и од странство, а застапени се и млади автори што наметнуваат сериозна зрелост во нивната работа и со пристапот кон фотографската уметност, воопшто.
„Тоа што плени на фотографиите е моментот на визуелно единство и особениот стремеж кон природното, како и надминувањето на рутината во фотографирањето“, забележува Маја Крстевска, виш кустос во Националната галерија.
(Текстот и фотографиите се објавени во „Културен печат“ број 106, во печатеното издание на весникот „Слободен печат“ на 20-21 ноември 2021)