Веруваме дека ќе биде вистинси предизвик за вас да го подготвите, но несомнено целото ваше семејство ќе ужива во овој специјалитет со јунешко месо. Монголско јунешко е вистинска експлозија на вкусови благодарение на прекрасните зачини и плодови со уникатни ароми.

Состојки:

– 450 грама јунешко месо
– 1 лажица нишесте (по желба)
– 2 чешниња лук
– ¼ лажичка ѓумбир во прав
– 2 ½ – 3 лажици соја сос
– 1 ½ лажица шеќер
– 2 лажици вода
– 3 млади кромитчиња
– 1-2 лажици маслиново масло

Подготовка:

Јунешкото исечкајте го на многу тенки парчиња, потоа поделете го на долги лентички. Лукот истолчете го, а кромитчињата исечкајте ги на долги парчиња (2-3 см). Во еден сад измешајте ги соја сосот, шеќерот и водата, па ставете го садот настрана. Загрејте го маслото во сад на средна температура. Треба да имате доволно масло да го покрие дното од тавата. Земајте ги парчињата јунешко и ставајте ги во нишестето да се налепи на нив (ако користите нишесте). Истресете го вишокот нишесте од месото и ставете го да се пржи во тавата додека добие кафеава боја. Додајте ги лукот и ѓумбирот, пржете кратко. Додајте го сосот што претходно го подготвивте и кога ќе почне да врие, намалете ја температурата и оставете да се динста на тивко додека почне да се згуснува нишестето и месото добие глазура. Тоа треба да се случи за кусо време. При крај на готвењето, додајте ги младите кромитчиња, промешајте и префрлете го јунешкото во чинија со обарен ориз.