Високиот кинески функционер Лиу Јанпинг, кој претходно беше задолжен за истрага на корупција во Министерството за јавна безбедност, е исклучен од владејачката Комунистичка партија и сменет од функцијата, откако и самиот беше прогласен за виновен поради корупција, пренесува Ројтерс.

Кинеската Централна дисциплинска комисија (ЦЦДИ) денеска објави дека отворила постапка против Лиу (67), висок функционер за безбедност кој беше казнет пред партискиот конгрес во октомври 2021.

Liu Yanping, former head of the top anti-graft authority's discipline inspection and supervision office at the Ministry of National Security, is under investigation for suspected severe violations of discipline and law: Xinhua pic.twitter.com/0LzYY7frFG

— Global Times (@globaltimesnews) March 12, 2022

Поранешниот заменик министер за јавна безбедност, Лиу е четвртиот функционер што е разрешен од 2019 година, а според комисијата, неговите главни прекршоци се од политичка природа, додава Ројтерс.

Освен што го критикуваше Лиу за „рушење на идеалите и верувањата“ и „губењето на партиските принципи“, комисијата рече дека тој се приклучил на „политичката банда“ на Сун Лијун, поранешен заменик министер за јавна безбедност, кој беше сменет поради политички престапи и корупција во 2021 година.