Во рамките на својата антиинфлациска политика, градските власти на Виена на сите станари од 220.000 станови во сопственост на градот ќе им обезбедат финансиска помош во висина од половина од месечната нето цена за изнајмување во септември оваа година.

Ова е дополнителен бонус, во чии рамки градското собрание планира меѓу жителите да подели вкупно 55 милиони евра. Оваа финансиска инјекција ќе ослободи околу половина милион граѓани од плаќање кирија. Како дополнителна мерка, градското претпријатие за стопанисување со станови „Винер Вонен“ на крајот на годината ќе обезбеди уште еден финансиски бонус за станарите чија кирија е зголемена во периодот 2022-2023 година. Вистинскиот износ на оваа помош ќе зависи од стапката на зголемување што се случи во наведениот период.

Последната мерка се состои во олеснување на процедурата за договарање договори за плаќање закупнина. Ова треба да им помогне на оние станари кои имаат заостанати плаќања и се изложени на ризик да го загубат домувањето, објави Фена. Катрин Гал, член на виенската влада, оддел за станбена политика, изградба на станови, урбана обнова и женски прашања.