Кожата е најголем орган на човековото тело. Дали секоја промена на кожата е аларм за одење на лекар? Кога треба да се посети дерматолог. Дали секоја кашлица е резултат на грип, бактерија или вирус или пак станува збор за алергии? Одговор во утринската програма „Слободен печат“ на Слободна ТВ побаравме од д-р Тихомир Цветковиќ специјалист дерматовенеролог од приватната ординација „Дерма плус“.

– За жал неоспорен е фактот дека карциномот на кожа е драстично зголемен иако свеста кај граѓаните, од година на година се повеќе расте. Нотираме покачување на бројката на заболени иако превентивните прегледи се на повисоко ниво, на повисоко ниво е и свеста на граѓаните, а бројката на детектирани неоплазми на кожа е сè поголема и поголема. Секако после ковидот се нотираат драстично зголемени број на карциноми. Тоа се должи на имунолошката компонента која ја издефинира ковидот кај некои здравствени состојби. Но тоа не е единствена причина. Зголеменото УВ зрачење кое го добиваме од година во година е исто причина плус за зголемениот број на неоплазми-вели Цветковиќ.

Тој апелира до граѓаните доколку забележат дека нешто на кожата има нагол раст и симптоми задолжително да направат консултација со дерматолог.

– Ако забележат некои промени на кожата, ако има бемка на кожата, има црвенило брз раст чешање, пецкање кое е најчесто во одмината фаза веднаш да се консултираат со лекар. Постарата популација нема често навика да посети дерматолог бидејќи не ја третира кожата и не им е приоритет, се запоставува-вели Цветковиќ.

Кожни промени кои може да предизвикаат карцином

Тој вели дека секој пациент кој има матичен лекар за проверка на крвна слика, матичен гинеколог, стоматолог, треба д има и матичен дерматолог кој ќе ни ја проверува кожата барем еднаш годишно.

Околу продолжената кашлица вели дека е честа во зимскиот период, но за да се третира соодветно потребна е соработка меѓу пулмолог и алерголог. За сувоста на кожата, црвенилото и промените вели дека се последица на Атописки дерматитис-болест на кожата најчесто присутен во текот на зимата.

– Официјалните бројки велат дека е двојно зголемен во последните неколку години. Атопичен дерматитис е бариерна дисфункција на кожата. Кај тие дечиња не работи природниот филтер. Станува збор за наследна болест. Над 70 отсто кај деца во првата година се манифестира. Зимата не е период на јавување, но тогаш се потенцираат симптомите. Еден од нив е сувоста на кожата кај сите нас. Зимата ни ја суши кожата, кај тие кои го имаат атопискиот дерматитис е многу потенцирано тоа во текот на зимата. Но таа тогаш не се јавува, туку се потенцира. Човек се раѓа со таа состојба. И како состојба бара долго лекување. Нема конвенционален лек. Тоа е болест која бара трајно лекување-вели Цветковиќ.

Меланом: Подмолни места на кожата каде може лесно да се „скрие“ и да остане незабележан

Со доктор Тихомир Цветковиќ разговаравме за продолжено алергиско кашлање, интолеранцијата на храна, зголемениот број на луѓе со интолеранција на храна, алергии на храна, но одговори добива и на прашањата што е уртикарија, псоријаза и витилиго и како се лекуваат тие болести.

Целото интервју погледнете го во продолжение: