Од балкански совети, до песни, промаја и романтика… 

„Слободен печат“ се прошета под сенките на ГТЦ да ги анкетира граѓаните на теми кои сите ќе нè насмеат.

Анкетата ја започнавме со прашањето:
-Кој е најтипичен балкански совет што сте го добиле?

-Не се секирај, ќе помине – одговори една госпоѓа.

Друга ни објасни дека најтипична фраза би била:

– Ајде бе, сè за народ.

Најчести „бабини“ совети се тие за „промајата“, кажа една госпоѓа велејќи дека доколку спиеме со отворени прозорци, ќе настрадаме.

А пак друга госпоѓа ја додаде „класиката“:

– Кој рано рани, две среќи граби.

На прашањето што за нив значи балканска романтика, „бурек или цвеќе“, добивме интересни одговори.

– Мислам дека да ме носи на бурек, тоа е поголема романтика – одговори една госпоѓа.

Имаше и неколку госпоѓи кои повеќе се одлучија за цвеќе отколку за „романтичен состанок“ со бурек.

Следното прашање кое го поставивме беше:

– Ако животот ви беше балканска песна, која ќе беше?

Добивме многу одговори, некои саркастични, некои на смеа, а некои и од мака.

– Балкан е мојот од Азра.

– Со маки сум се родила, е таа! – смеејќи се ни одговори една жена.

Еден помлад дечко го сумираше животот со една песна:

„Боље бити пијан, него млад“.