Утре се празнува 23 октомври, Денот на македонската револуционерна борба, кој се одбележува во чест на ВМРО и нејзините почетоци. Нашиот тим ги анкетираше граѓаните дали знаат што значи тој ден и кои се нивните ставови.

Среда е неработен ден на сите граѓани во Македонија. Но, дали граѓаните знаат кој празник е 23 Октомври?

Резултатите од анкетата покажаа дека повеќето од младите анкетирани не се целосно информирани за значењето на денот. Многумина го препознаваат како празник, но без конкретно разбирање за историјата зад него.

Сретнавме еден млад дечко кој ни објасни дека нема конкретни планови за празникот, но се радува дека е неработен ден.

– Нема да работиме, не е доволно? – рече тој.

На прашањето дали ќе го слави празникот, еден помлад минувач ни одговори:
– Онака, лабаво. Како обичен, како секој ден, слободен.

Една постара жена ни одговори дека нема да го слави овој празник, но им посакува среќа на тие што го празнуваат.

Сретнавме и еден постар господин кој ќе го слави празникот на македонската револуционерна борба.
-Да. Ќе празнувам. Го почитувам празникот – вели тој за „Слободен печат“.