Шведскиот напаѓач Златан Ибрахимовиќ објави феноменално видео од теретана, кое најдобро ја покажува неговата импресивна физичка сила.

Ибра напорно вежба во теретаната, иако оваа сезона има многу проблеми со повредите и имa 40 години, популарниот Ибра и натаму игра на врвно ниво и во подоцнежните години не се откажува од напорните тренинзи, кои секако му ја продолжија кариерата.

Со оглед на тоа што неговиот договор со Милан е со важност до крајот на оваа сезона, прашање е дали Ибрахимовиќ ќе остане во дресот на „росонерите“, но барем според него, тој не размислува за крај на кариерата и планира уште да игра фудбал.

Сезонава одигра 19 натпревари во сите натпреварувања и постигна осум гола, запишувајќи две асистенции.

Во италијанската Серија А „росонерите“ се на третата позиција со 52 бодови, колку што има и второпласираниот Наполи, само еден помалку зад водечкиот Интер.

Во својата најнова објава на Инстаграм Ибрахимовиќ само напиша: „Трпение“.

View this post on Instagram

A post shared by Zlatan Ibrahimović (@iamzlatanibrahimovic)