Снимката која ја регистрираше „Слободен печат“ како два коња се врзани со јаже на камион кој вози низ булеварот „Индустриска“, поточно на кружниот тек на влезот во Тетово е секојдневна глетка.

За полесен транспорт животните се впрегнуваат и на други превозни средства кои мачејќи се го следат возилото.

Од СВР Тетово, велат дека се регистрирани вакви случаи особено кога во Тетово е пазарен ден, па животните се впрегнуваат на возила да се однесат на пазар.

Она што загрижува како што додаваат од полицијата е што ваквите појави ја нарушуваат безбедноста во сообраќајот оти има и случаи како животни се движат и по автопатите.

За ваквите прекршители има опомени, но и казни.

Освен „учесници во сообраќајот“, животните во Тетово се и редовни посетители на парковите.

Порталб објави фотографии од коњи и магариња како пасат во тетовскиот скејтепарк, каде што зеленилото со недели не е искосено.

„Веќе неколку дена животните се тука, не си одат. Никој не ја коси тревата. Како да е штала местово“, вели еден од сопствениците на фирми во близина на паркот.

И останатите зелени површини кои се малку на број не се косат редовно, па истите се преворени во „градски пасишта“ погодни за да се прехрани тетовскиот добиток.

ФОТО: Најголемиот парк во Тетово не се одржува, урбаната опрема уништена или украдена