ВИДЕО: Тотенхем славеше во лондонското дерби и остана на врвот во Премиер лигата
Фудбалерите на Тотенхем продолжуваат со одличните настапи во Премиер лигата и славеа во првиот натпревар од 10 коло на гостувањето кај Кристал палас со 1:2.
После првото полувреме во кое мируваа мрежите, во вториот дел Тотенхем дојде до победата, најпрвин водство му донесе Ворд кој си постигна автогол во 53 минута, а трите бода ги потврди Сон во 66 минута по асистенцијата на Џонсон.
Во финишот од средбата домаќините само го ублажија поразот (90+4`) со голот на Ају, а асистент беше Андерсен.
Тотенхем е на првото место со 26 бодови и по ова коло сигурно ќе остане на врвот, бидејќи Манчестер сити кој својот меч ќе го има в недела, има моментно 21 бод на втората позиција.
Кристал палас кој веќе три натпревари по ред не знае за триумф е на 11 место со 12 бодови.