ВИДЕО: Торес го урна Атлетико Мадрид на „Камп Ноу“, Барса сè поблиску до шампионската титула
Фудбалерите на Барселона го совладаа Атлетико Мадрид со 1:0 (1:0) во дербито од 30 коло во најквалитетната шпанска лига.
Погодокот вреден три бода на стадионот „Камп Ноу“ го реализираше Феран Торес во 44 минута.
Рафиња убаво го пронајде Торес кој со еден прецизен удар успеа да ја затресе мрежата на голманот на „јорганџиите“, Облак.
По 24 триумф сезонава во „Ла Лига“, каталонскиот гигант ја прекината низата од две нерешени средби без постигнат гол и моментно е на првото место со 76 бодови, 11 повеќе од второпласираниот Реал Мадрид.
За составот на Диего Симеоне ова беше шести пораз во шампионатот, сега е третопласиран со 60 бодови, шест повеќе од четвртопласираниот Реал Сосиедад.