ВИДЕО: Сити убедлив против Астон Вила пред дербито со Арсенал
Манчестер сити забележа победа над Астон Вила со 3:1 (3:0) во 23 коло од Премиер лигата. „Граѓаните“ веќе во првото полувреме го решија прашањето за победникот и на тој начин Пеп Гвардиола доби можност да одмори дел од играчите за мечот на сезоната против Арсенал.
Сити поведе во четвртата минута кога Марез од корнер упати одличен центаршут на првата статива од каде Родри со глава ја упати топката зад Емилијано Мартинез.
Гундоган во 39 минута го зголеми водството. Халанд ја искористи лошата интервенција на Калум Чемберс, а потоа го пронајде поранешниот германски репрезентативец, кој имаше лесна задача да ја затресе мрежата. Марез се погрижи за 3:0, а конечниот епилог го постави Воткинс.
Во победничка атмосфера играчите на Гвардиола го очекуваат дербито против Арсенал закажано за в среда од 20.30 часот.
На табелата Арсенал е првопласиран со 51 бод, три повеќе од второпласираниот Манчестер сити, со напомена дека „топџиите“ имаат еден меч помалку. Астон Вила која пак на 18 февруари ќе биде домаќин на Арсенал, се наоѓа на 11 позиција со 28 бодови.
ВИДЕО: Манчестер јунајтед славеше против Лидс со головите на Рашфорд и Гарначо на „Еланд Роуд“