ВИДЕО: Родриго за кралски пресврт во Севиља, а по мечот му се „налути“ на Анчелоти
Реал Мадрид ја запиша и 24 победа сезонава во најсилното шпанско првенство откако на гостински терен со 1:2 славеше над Севиља.
Домаќините уште во третата минута стекнаа предност преку 25-годишниот напаѓач Рафа Мир. Бразилецот Родриго (22) се погрижи за целосен пресврт, најпрвин израмни во 29 минута, а вториот погодок го постигна во 69 минута.
По завршувањето на мечот Родриго изјави дека беше малку лут на својот тренер Карло Анчелоти и одлуката да биде заменет во 81 минута, бидејќи имаше шанса да реализира хет-трик.
Севиља ги одигра последните 10 минути од натпреварот со играч помалку, откако Маркос Акуња доби директен црвен картон.
На табелата „кралевите“ се на второто место со 77 бодови и во последното коло на 4 јуни ќе го пречекаат Атлетик Билбао.
Севиља после 14 пораз во „Ла Лига“ се наоѓа на 10 позиција со 49 бодови, а последниот меч оваа сезона ќе го има на гостувањето кај Реал Сосиедад.