Нутела е најпознатиот намаз во светот, кој многумина го сакаат. Главна состојка е на многу филови за колачи и торти, одлично оди со палачинки или само намачкана на леб… а одлична е во комбинација со банана за домашен сладолед.

Дали знаете дека и дома можете да го направите омилениот намаз и тоа поголема количина. А ако сакате да има побогат и покремаст вкус, наш предлог е да додадете растопено чоколадо.

Состојки:

– 1 шолја печени лешници
– 140 грама млечна чоколада
– 2 лажици масло
– 3 лажици шеќер
– 1 лажица незасладено какао
– 1/2 лажичка екстракт од ванила
– 1/2 лажичка сол

Подготовка:

Лешниците исчистете ги и измелете ги во блендер.

Кога ќе бидат ситно мелени, додаjте масло и ванила, па уште кратко блендирајте.

Потоа додаjте ги шеќерот, какаото и солта, па повторно изблендирајте.

Нутелата е готова, но доколку сакате малку покремаст и посилен вкус, додаjте го растопеното чоколадо, па добро соединете.