ВИДЕО | „Ова е лудо“: Лени Кравиц објави видео како вежба и ја шокира јавноста со изборот на облеката за вежбање
Музичарот Лени Кравиц (60) објави видео од сала за вежбање на Инстаграм и изненади многумина со изборот на облеката за вежбање.
Кравиц вежбал облечен во кожни панталони, мрежеста маица, чизми и очила за сонце.
„Му благодарам на Господ за денешниот ден! Благодарен сум за сè и никогаш не сум бил подобар. Сè е можно“, порачал тој во описот на објавата која предизвика многу коментари.
„Кој вежба во кожни панталони? Само Лени“, „Каква легенда си ти“, „Само Лени може да вежба во оваа облека и да не трепне“, „Ова треба да стане тренд“, „Ова е лудо“, „Јас не можам да поверувам дека овој човек има речиси 60 години“, „Те обожавам, вежбај во што сакаш“, „Овој стајлинг е предобар“, му порачаа обожавателите.
Лени Кравиц често добива комплименти за својот изглед. Минатата година ги одушеви обожавателите со спотот за песната „TK421“ во кој се појави гол.