ВИДЕО | Омилениот колач во поранешна Југославија: Слатка излеана пченкарна пита
Слатката излеана пита од пченкарно брашно беше дел од сите убави семејни настани во поранешна Југославија.
Оваа пита се наоѓаше на трпезата во речиси секој дом, а домаќинките ја подготвуваа за миг.
За да ја подготвите излеана пченкарна пита, потребни ви се само неколку минути. Освен тоа, состојките од кои се прави се евтини, а има незаборавен вкус.
Ви го пренесуваме основниот рецепт.
Состојки:
– 4 јајца
– 200 грама шеќер
– 350 грама пченкарно брашно
– 4 децилитри млеко
– 2 децилитри масло
– 1 прашок за печиво
Подготовка:
Во пченкарното брашно измешајте го прашокот за печиво и оставете го настрана. Искршете ги јајцата, ставете ги во сад за матење и додадете шеќер. Мешајте 2-3 минути додека не добиете мазна, густа и светла смеса. Потоа во неа малку по малку додајте масло и миксирајте на најмала брзина.
Во добиената смеса додајте го пченкарното брашно и добро измешајте.
Плехот премачкајте го со масло или путер и посипете со малку пченкарно брашно, па сипете ја смесата. Смесата ставете ја во загреана рерна на 190 степени и печете го колачот помеѓу 20 и 30 минути. Ќе знаете дека колачот е испечен кога ќе добие златно-жолта боја и ќе се одвои од рабовите на плехот за печење.
