Видео: Објавена снимка од Стрелков на суд во Москва, му се закануваат пет години затвор откако го критикуваше Путин
Руските власти денеска го уапсија познатиот руски националист Игор Гиркин, кој јавно ги критикуваше Владимир Путин и шефовите на војската за начинот на кој ја водат војната во Украина. Сопругата и адвокатот на Гиркин изјавија дека властите се умориле од неговите критики на специјалната воена операција.
Terrorist Girkin-Strelkov in court.
Russian media report that the investigation asked to arrest Strelkov for two months.
He is charged with public appeals to carry out extremist activities on the Internet. pic.twitter.com/4pLYj4JrFm
— Anton Gerashchenko (@Gerashchenko_en) July 21, 2023
Руските обвинители побараа од судот во Москва да го приведе Игор Гиркин под обвинение за поттикнување екстремистички активности, јавуваат руските новински агенции, а пренесува Скај њуз. Гиркин, познат и како Стрелков, претходно го обвини Владимир Путин за слабо одлучување за време на инвазијата на Украина.
Сопругата на Стрелков го потврди притворот. Според неа, персоналот на Истражниот комитет пристигнал околу 11:30 часот и го однел нејзиниот сопруг во непознат правец. Таа додаде дека Стрелков е обвинет по член 282 од Кривичниот законик на Руската Федерација, кој опфаќа екстремизам.
Доколку биде прогласен за виновен, му се заканува затворска казна до пет години, јавуваат руските агенции ТАСС и РИА. Антон Герашченко, советник на украинското Министерство за внатрешни работи, на Твитер објави видео од Гиркин за време на судското сослушување.