Филмот „Joker: Folie à Deux“ ја имаше својата премиера на 81-от филмски фестивал во Венеција и доби 11-минутен аплауз, пишува „Варајети“ (Variety).

Хоакин Феникс пред премиерата направи селфи со обожавателите на црвениот тепих, а пристигнувањето на Лејди Гага беше пропратено со скандирања.

Очекувањата за продолжението на „Џокер“ се многу големи. Првиот филм заработи повеќе од милијарда долари и 11 номинации за Оскар, а „Joker: Folie à Deux“ е потенцијален кандидат за сите главни награди. Хоакин Феникс го игра Артур Флек, а Лејди Гага е Харли Квин. Режисер е Тод Филипс, според сценариото што го напиша со Скот Силвер.

Пред премиерата на филмот Филипс, Феникс и Гага одржаа прес-конференција. Директорот рече дека овој пат е понервозен. „Има многу поголеми очекувања од вториот филм. Има повеќе нервоза“, рече тој.

@varietymagazine Lady Gaga blows a kiss during the 11-minute standing ovation for #JokerFolieaDeux. #Venice2024 ♬ original sound – Variety

Филипс додаде дека идејата музиката да стане истакнат дел од неговото продолжение е нешто за што тој разговарал со Феникс на сетот на првиот филм. „Ако се сеќавате на првиот филм, Артур има музикалност. Често танцува за да го изрази она што го чувствува“, додаде тој.

Сепак, Гага вели дека не би го опишала новиот „Џокер“ како мјузикл. „Многу е различно… Музиката е начин да им се даде на ликовите да се изразат, бидејќи дијалогот не беше доволен“, објасни таа.

Пишувајќи за „The Wrap“, Вилијам Бибиани рече дека Феникс е „неверојатно талентиран и му носи нов увид на Артур Флек“. Тој додава дека интерпретацијата на Гага за Харли Квин е сосема поинаква од претходните.

Дејвид Руни од „Холивуд репортер“ во својата рецензија напиша дека „Folie à Deux“ најверојатно или ќе биде прифатен или отфрлен од истите причини што публиката или го сакаше или мразеше во 2019 година. Но, имаше и такви кои беа доста критични кон продолжението.

Дејвид Ерлих од „IndieWire“ напиша во рецензија дека Филипс направил „неподносливо, можеби дури и намерно, досадно продолжение кое прави сѐ што е во негова моќ да не ве забавува“, а посебно го критикуваше режисерот за кастингот на Гага. Холивуд репортер вели дека понекогаш е здодевен: „Ова продолжение е изградено повеќе на вообразеност отколку на цврста приказна“.

Спротивно на тоа, Алекс Харисон од „ScreenRant“ го опишува „Joker: Folie à Deux“ како продолжение дизајнирано да ги испровоцира обожавателите на оригиналниот филм. Пит Хамонд од „Deadline“ пишува дека филмот е брилијантен и ги фали изведбите на главните актери.

„Joker: Folie à Deux“ ќе се прикажува во кината во октомври.