ВИДЕО: Неверојатен поен на Рубљов против Бублик на „Вимблдон“
Седмиот тенисер во светот, Русинот Андреј Рубљов денеска се пласираше во четвртфиналето на Вимблдон, откако по пет сета го совлада Казахстанецот Александар Бублик со 7:5, 6:3, 6:7, 6:7, 6:4.
До победата над 26 тенисер во светот Рубљов стигна по три часа и 20 минути игра. Во четвртфиналето Рубљов ќе игра против подобриот од мечот Новак Ѓоковиќ – Хуберт Хуркач.
На следниот видео запис погледнете еден неверојатен поен на Рубљов на мечот против Бублик.
A closer look at one of the craziest shots you'll see for a long time…@AndreyRublev97 👏👏👏#Wimbledon pic.twitter.com/0xOwRwlKP9
— Wimbledon (@Wimbledon) July 9, 2023
Пласман во четвртфиналето обезбеди уште еден руски тенисер, 92 играч во светот, Роман Сафиулин совладувајќи го Канаѓанецот Денис Шаповалов со 3:1 по сетови 3:6, 6:3, 6:1, 6:3.
Русинот го совлада 29 тенисер на АТП листата, победувајќи по два часа и 12 минути игра. Тој во четврт-финалето ќе игра против осмиот носител Јаник Синер (Италија) кој беше подобар од Даниел Елахи Галан (Колумбија) со 7:6 (4), 6:4 и 6:3.
Пласман во следната фаза обезбеди и Бугаринот Григор Димитров кој со 6:2, 6:3 и 6:2 го совлада Американецот Френсис Тиафо. Следен противник на Бугаринот е шестиот носител, Данецот Холгер Руне.
Thanks for putting on an incredible show, @AndreyRublev97 and Alexander Bublik 🙏🎾#Wimbledon pic.twitter.com/qDa8GxBvfb
— Wimbledon (@Wimbledon) July 9, 2023
Во женска конкуренција успешно продолжува четвртата носителка, Џесика Пегула од САД која со 6:1 и 6:3 ја елиминираше Лесија Цуренко од Украина. Следна противничка на Пегула во четвртфиналето ќе биде Маркета Вондрушова која во чешкиот дуел ја надигра Марие Бузкова со 2:6, 6:4 и 6:3.
Мира Андреева во руската пресметка со 6:2 и 7:5 ја совлада Анастасија Потапова и за пласман во четвртфиналето ќе игра со Медисон Киз од САД.
