Од 18:45 часот се одиграа два натпревари во вечерашната програма во Лигата на шампиони, Наполи уште еднаш го надигра Ајакс и на свој терен славеше со 4:2. Атлетико Мадрид и Клуб Бриж ремизираа без голови 0:0.

Наполи е сигурен лидер на табелата во групата „А“ со 12 освоени бодови, Ајакс остана на три. Вечерва играат Ренџерс и Ливерпул, шкотскиот тим е без бодови, а Ливерпул има шест. На „Ванда Метрополитано“ домаќинот беше под притисок да го совлада Клуб Бриж, но шампионот на Белгија на крајот освои бод.

Наполи победата против Ајакс ја најави уште во првите 15-тина минути кога преку Лозано и Распадори поведе со 2:0. До крајот на полувремето видовме уште по некоја шанса, меѓутоа резултатот не се промени.

На стартот од вториот Класен намалува на 2:1, а за ново водство од два гола на Наполи се погрижи оваа сезона одличниот Кварташкелија кој реализираше пенал во 62. минута. На ист начин во 83. минута Бергвин стрелаше за 3:2. Сепак, до крајот Наполи не дозволи изненадување и Осимен ги постави конечните 4:2.

Македонскиот репрезентативец Елиф Елмас ги одигра последните 15 минути од натпреварот, го замени Кварташкелија.