ВИДЕО: Најмалку тројца повредени во пожар во Германија
Огромен пожар избувна во една станбена зграда во западниот германски град Есен рано во понеделникот, а три лица се пренесени во болница, соопштија властите. пренесува АП .
Противпожарната служба соопшти дека од зградата биле евакуирани околу 100 луѓе, приближно колку луѓе живееле таму, пренесе новинската агенција ДПА. Официјалните лица рекоа дека никој не е исчезнат.
#Germany #NRW – Fire at residential complex comprising of 50 apartments in downtown Essen, around 100 people have been rescued while 3 remained injured pic.twitter.com/0YjpUzrpXj
— CyclistAnons (@CyclistAnons) February 21, 2022
Околу 150 пожарникари беа испратени да го гаснат пожарот. Причината не беше веднаш јасна.
Градската противпожарна служба соопшти дека првиот јавувач пријавил пожар на балконот на комплексот, кој бил изграден во 2015 година.
Се вели дека можната причина за пожарот е последица од серијата бури што ја погодија Северна Европа во последните денови, за кои се вели дека помогнале пожарот брзо да се прошири во зградата.
Пожарот потоа беше ставен под контрола. Противпожарната служба соопшти дека големи делови од зградата се во опасност од уривање.