Фудбалерите на Јувентус непријатно ги изненадија своите навивачи во рамките од 36 коло во Серија А со гостинскиот пораз кај Џенова (2:1).

Новото засилување на клубот од Торино, Душан Влаховиќ се наоѓа во криза, бидејќи веќе четврти меч по ред завршува без постигнат гол.

Водеа гостите со голот на Дибала од 48 минута, а домаќините направија пресврт во самиот финиш, најпрвин израмни Гудмундсон во 87 минута, а конечниот епилог го постави Кришито од пенал во 95 минута.

Пред Џенова да го постигне победничкиот гол, Кин на спротивната страна имаше убава шанса да се запише во листата на стрелците, но не успеа да ја затресе мрежата.

Инаку, Јувентус со новиот кикс ќе ја заврши сезоната со најмал број освоени бодови во изминатите 10 години, најмногу што може да постигне е 76, колку што имаа во претходните натпреварувачки сезони, а последен пат беа под таа бројка беа во сезоната 2011/2012.

Претходно Интер со триумф ја продолжи трката за Скудетото по пресвртот на домашен терен против Емполи.