На денешен ден пред пет години, ракометарите на Вардар за прв пат успеаја да триумфираат на фајнал-фор турнирот во Келн и да станат европски шампиони.

Вардар на завршниот турнир одигра два драматични натпревари, против Барселона во полуфиналето и против ПСЖ во големото финале. Во полуфиналето, Вардар со голот на Лука Циндриќ успеа да слави над Барселона со 26:25, додека во големото финале херој на „црвено-црните“ беше Иван Чупиќ.

На седум секунди до крајот на финалниот натпревар, Даниел Нарцис израмни на 22:22, по што Раул Гонзалез побар тајм-аут.

Шпанецот одлучи последниот шут да му припадне на Иван Чупиќ и не згреши, Хрватот од крилната позиција во последната секунда го совлада Тиери Омејер и за прв пат го искачи Вардар на европскиот ракометен трон.