Кристијано Роналдо вчера стигна до 200 настапи за португалската репрезентација и одбележа еден јубилеј кој навистина изгледа неверојатно.

Ваквиот момент предизвика многу емоции и кај мајката на Роналдо. Роналдо доби посебно признание од Федерацијата за неговата долговечност, а камерите во тие моменти ја уловија реакцијата на неговата мајка.

Cristiano Ronaldo’s mother reaction to him getting honored for the 200 international match with Portugal… ❤️ pic.twitter.com/ExOiqOiBRI

— TC (@totalcristiano) October 13, 2023

Јубилејот Роналдого зачини и со два гола во победата против Словачка од 3:2. Со овие два гола дојде до бројката од 857 голови во кариерата.

Португалецот нема намера да запре и посакува да дојде до бројката од 1.000 голови во кариерата, но свесен е дека ќе биде тешко.

„Ќе биде многу тешко да дојдам до 1000 голови, но тоа ќе зависи и од мојата физичка подготвеност и мојата мотивација. Ако нозете ме слушаат како што јас ги слушам нив, ќе видиме што ќе се случи. Сепак, за да размислувам за 1000 голови, прво треба да стигнам до 900, а тоа мислам дека ќе го остварам“, изјави Роналдо.