ВИДЕО | Ливерпул со победа се прости од Европа, Рома вторпат го победи Милан во италијанското дерби
Екипата на Рома уште еднаш го победи Милан и заслужено се пласираше во полуфиналето од Лига Европа. Римскиот клуб вечерва по победата од 0:1 на „Сан Сиро“, славеше триумф од 2:1 во натпревар во кој повеќе од еден час имаше играч помалку.
Милан двапати ја победуваше Рома во Серија А, но „волчицата“ им се реваншираше на меѓународна сцена. Манчини брзо по 12 минути игра ја доведе Рома во водство, додека Паоло Дибала со својот трет гол зголеми на 2:0. На пауза се замина со 2:0 за домаќините, додека Милан во вториот дел нападна со сите сили.
Со три замени Пиоли се обиде да го освежи својот тим, меѓутоа неговите избраници само го ублажија поразот со погодокот на Габиа во 86. минута.
На свој терен Ливерпул не успеа да ја надополни негативата од 0:3 од првиот натпревар со Аталанта. Избраниците на Јирген Клоп со голот на Салах по 11 минути игра стигнаа до предност, а некаде на средината на првиот дел Египќанецот пропушти одлична прилика. Во вториот дел Ливерпул имаше иницијатива, меѓутоа не создаде посериозни прилики за гол.
Без настап во полуфиналето од Лига Европа остана и Вест Хем кој ремизираше против Леверкузен (1:1), додека Марсеј на пенали се радуваше против Бенфика.