Фудбалерите на Ливерпул го совладаа Манчестер сити со 3:1 и на тој начин дојдоа до првиот трофеј во новата сезона – Комјунити шилд на „Кинг Пауер“ стадионот во Лестер.

Трофејот Комјунити шилд е најава за почеток на новата премиерлигашка сезона, а на стартот шампионски започнаа Редси предводени од германскиот менаџер Јирген Клоп.

После првото полувреме водеа „црвените“ со голот на Александер-Арнолд во 21 минута после асистенцијата на Салах.

Израмнија „граѓаните“ преку Алварез во 70 минута, па во 83 минута Салах ја врати позитивата на Ливерпул, а во самиот финиш (90+4`) конечниот епилог го постави Нуњез.

Една од најголемите ѕвезди во редовите на Сити, Халанд можеше да се запише во листата на стрелците, но во последните моменти од мечот од петерецот ја погоди пречката.