ВИДЕО: „Кралска вечер“ во Белград, Реал подобар од Црвена звезда во Евролигата
Кошаркарите на Црвена звезда беа поразени вечерва во Белград од Реал Мадрид со 79:59 (25:16, 13:18, 19:17, 22:8) во 18 коло од Евролигата.
Џанан Муса беше најефикасен во шпанската екипа со 19 поени и шест скока, додека Еди Тавареш забележа дабл-дабл и додаде 17 поени и 12 скока.
Во српскиот состав се истакнаа Немања Недовиќ со 18 поени и Филип Петрушев со 17 поени.
Црвена звезда моментно е 10 место на табелата во Евролигата со девет победи и девет порази, додека Реал е прв со 12 бода и шест порази, а истиот учинок го има и второпласираниот Монако кој со 64:60 беше подобар од Олимпијакос. Грчкиот тим е на петтата позиција (11-7).
Во следното коло белградските „црвено-бели“ го пречекуваат Монако, додека Реал во Берлин ќе се соочи со Алба.