Актуелниот шампион на Италија повторно ги разочара своите навивачи откако во 12 коло од Серија А загуби изненадувачки од Емполи со 1:0.

Македонскиот репрезентативец Елиф Елмас беше стартер во редовите на Наполи и настапи до 54 минута кога беше заменет од Грузиецот Хвича Кварацхелија.

Играчите на Руди Гарсија имаа повеќе од играта, со повеќе шанси за реализација, но на крајот Емполи е тој кој што успеа да дојде до триумфот.

Во самиот финиш од средбата во 91 минута украинскиот интернационалец Виктор Коваленко на прекрасен начин успеа да ја затресе мрежата на Голини.

После ремито на Милан со Лече (2:2), „наполитанците“ пропуштија можност да се искачат на третото место, па останаа на четвртото со 21 бод.

За Емполи ова е само трета победа сезонава, но важна во трката за опстанок, моментно е на 17 позиција со 10 бодови.

Great shot by Viktor Kovalenko. Empoli was leading 1-0 away against Napoli in the last moments!pic.twitter.com/v5CtBov7fO

— FootColic ⚽️ (@FootColic) November 12, 2023