ВИДЕО: Исланд се подготвува за вулканска ерупција, за половина час имало дури 80 земјотреси
Исланд е на нозе.Властите денеска се подготвуваат да изградат одбранбени ѕидови околу геотермалната централа во југозападниот дел на земјата, со кои се надеваат дека ќе се заштитат од лава, ако дојде до вулканска ерупција.
JUST IN – Video shows massive crack emanating steam in the center of Grindavik town of Iceland as the Island nation braces for a potential volcanic eruption pic.twitter.com/C6pK2NkGmW
— Insider Paper (@TheInsiderPaper) November 13, 2023
Сеизмичката активност и подземните текови на лава се интензивираа на полуостровот Рејкјанес во близина на главниот град Рејкјавик во текот на викендот, што ги натера властите во саботата да евакуираат речиси 4.000 луѓе од рибарскиот град Гриндавик.
Веројатноста за ерупција останува висока и покрај намалувањето на сеизмичката активност, се вели во денешното соопштение на Исландскиот метеоролошки институт. Речиси 800 земјотреси се регистрирани помеѓу полноќ и пладне денеска, што е помалку од претходните два дена, се вели во извештајот.
Властите соопштија дека се подготвуваат да изградат голем насип дизајниран да ги пренасочи тековите на лава околу геотермалната централа Свартсенги, која се наоѓа на нешто повеќе од 6 километри од Гриндавик.
Речиси на сите 3.800 жители на Гриндавик накратко им беше дозволено да се вратат во своите домови вчера за да ги соберат своите работи, соопшти одделот за цивилна заштита и управување со вонредни состојби на Исланд. Според добротворната организација Дирфина, повеќето миленичиња и домашни животни биле спасени од Гриндавик до вчера вечерта.
Large crack cutting through Grindavik, Iceland with steam coming out as the country braces for a potential volcanic eruption. pic.twitter.com/O3KsIiPqo1
— Scirex (@scirex) November 13, 2023
Во текот на попладневните часови, новите броила инсталирани од Метеоролошкиот уред во близина на Гриндавик открија покачено ниво на сулфур диоксид, поради што Гриндавик повторно беше целосно евакуиран за кратко време.
Агенцијата во својот последен извештај рече дека иако нема други индикации за почеток на ерупција, тоа не може да се исклучи бидејќи гасот не се појавува освен ако магмата не е високо во земјината кора.
